ဝေဒနာ

မျက်စိပြာပြီး
ချွေးစီးတုန်လှပ်၊ အသက်ရှူကြပ်ရဲ့
တပ်မက် ထိတ်လန့် အံ့သြမိ ။

ငွေတွေ . . .
ငွေတွေ . . . ။

အထပ်လိုက်
အစည်းလိုက်၊ အောတိုက်ပုံနေ
ငါးကျပ်တန်တွေ
ဆယ်တန်တွေ
နှစ်ဆယ်တန်တွေ . . . ။

ဘုရား . . . ဘုရား
လူ့လောကမှာ ၊ ငါ ရောက်လာတာ
ကြာလှပြီပဲ ၊ အိပ်မက်ထဲမှာပင်
မမြင်ဘူးခဲ့ ၊ များလိုက်တဲ့ ငွေ ။

"နဲနဲလောက် ပေးပါ
ခလေးလိုပင် ၊ တောင်းယင်ရမလား
ဓါးပြလုယက်၊ ထွက်ပြေးယင်ကော"
အလျင်အမြန်၊ စိတ်တွင်ကြံမိ
ငါ့ထံ ငွေတွေ ရောက်လာအောင်။

ငါ နောက်ကျပြီ
ရုတ်ကနဲလေ၊ ငွေတွေပျောက်သွား
နောက်တခန်းကို ကူးသွားရော ။

သြော် . . .
သုံးမတ်တန်းမှာ၊ ဘာရယ်မဟုတ်
ရုပ်ရှင်ကြည့်စဉ်၊ ရုပ်ရှင်ထဲက
မြင်ရတဲ့ငွေ၊ စိတ်ထွေထွေနဲ့
မကျေမနပ် ကြံမိတာပါ ။

မပြီးသေးဖူး
ရူးဟန်မူးဟန် ၊ ပြုံးဟန်မုန်းဟန်
ချစ်ဟန် ညစ်ဟန် ၊ သဏ္ဍာန်တုများ
ဈာန်ဝင်စားလျက်
ပိတ်ကားပေါ်မှာ လှုပ်ရှားနေဆဲ ။


အောင်ချိမ့်