ရည်းစားစာ
ကျွန်တော့်ရဲ့
မခင်သစ်ပင်
အချစ်ဆိုတာ ပွဲလမ်းသဘင် ဖြစ်ရင်
ကျွန်တော်နဲ့ မခင်သစ်ပင်ဇာတ်မှာ
ဘယ်သူကန့်လန့်ကာလဲ
တောတောင် လျှိုမြောင်ပိတ်ကားရှေ့
ကျွန်တော် အော်ခေါ်နေတာ
အနှစ်သုံးဆယ်
မခင်သစ်ပင်
ဇာတ်လမ်းအရ ငိုချင်လဲငိုရမယ်
ပျော်ချင်လည်း ပျော်ရမယ်
ကျွန်တော် တယောမထိုးတတ်ဘူး
ရောမမြို့ကြီး မီးလောင်ရင်လည်း
ကြည့်မနေနိုင်ဘူး
ကျွန်တော်ဟာ သာမန်လူဖြစ်ပြီး
ကျွန်တော်ဟာ ချစ်တတ်လို့
မခင်သစ်ပင်
ကျွန်တော်တို့ နှစ်ယောက်ကြား
ဘာကြောင့် ဘာသာပြန်ခေါ်ထားသလဲ
ကျွန်တော်က ချစ်ခြင်းမေတ္တာကို အမှီအခိုကင်းချင်တယ်
ခင်ဗျားက ရင်ခုန်သံကို ဈေးကြီးကြီးရချင်တယ်
မုဆိုးတစ်ပိုင်း မိန်းမရိုင်းတွေဘာတွေလဲ
ခေတ်မရှိတော့
အင်ကြင်းပင်ကလည်း ရှာရခက်တယ်
ကျွန်တော့်ရဲ့ မခင်သစ်ပင်
မခင်သစ်ပင် ပွင့်ပြမှာလား
ကျွန်တော် ခုတ်ပစ်ရမှာလား
ဒါမှမဟုတ် ဘုရားမှာ လှူမလား
ကျွန်တော်နဲ့ ခင်ဗျားကြားမှာ ပန်းတစ်ပွင့် ခြားနေတယ်။
ဝင်းမြင့်
Labels: ဝင်းမြင့်
posted by D Wathone Khat @ June 02, 2015
0 Comments
0 Comments:
Post a Comment
Subscribe to Post Comments [Atom]
<< Home