နေဝင်တယော

ငါဟာ တယောတစ်လက် ဖြစ်ခဲ့တယ်
ဘိုးတံကို ခပ်ဝေးဝေးမှာ သွားချိတ်ထားလိုက်ပါ
ရှောင်မရတဲ့ညနေတွေက ငါ့ကို ရူးပြီး ရမ်းကားနေတဲ့ကြားထဲ
ပိုပြီး ပေါက်ကွဲစေမယ့် သံစဉ်တွေ ညှစ်မထုတ်နိုင်အောင်
ဘိုးတံကို
ဝေးဝေးမှာ သွားချိတ်ထားလိုက်ပါ။

ငါဟာ တယောတစ်လက် ဖြစ်ခဲ့တယ်
ဘိုးတံကို ဝေးဝေးမှာ သွားချိတ်ထားလိုက်ပါ
ခံစားချက်တွေက တကျွီကျွီ သံရှည်ဆွဲတတ်လွန်းလို့
ကိုယ့်ရင်ခုန်သံကိုတောင် ကိုယ်ပြန်စိတ်မရှည်နိုင်တဲ့ကြားထဲ
ပွတ်သီးပွတ်သပ်နဲ့ လာလာပြီးကလိတတ်တဲ့
ဘိုးတံကို
ဝေးဝေးသွားချိတ်ထားလိုက်ပါ။

ငါဟာ တယောတစ်လက်ဖြစ်ခဲ့တယ်
ဘိုးတံကို ဝေးဝေးမှာ သွားချိတ်ထားလိုက်ပါ
ကံဆိုးမဲပေါက်သလို ရခဲ့တဲ့ဘဝတစ်ခုရဲ့
အိပ်မက်တွေနဲ့ လုပ်ထားတဲ့ လရောင်စစ်စစ်ကို
လူမြင်မခံဝံ့ အသေအချာ သိမ်းထုတ်လို့ထားဆဲ
ငါ့ရင်ကို ဟက်ကနဲ ခွဲပြီး အထုတ်ဖြည်ပြမယ့်
ဘိုးတံကို
ဝေးဝေး ချိတ်ထားလိုက်စမ်းပါ။

ငါဟာ
တယော တစ်လက်ပါ
ပိုပြီးသေချာအောင် ပြောရရင်
လရောင်နဲ့ စိမ်ထားတဲ့ တယောတစ်လက်ပါ
တစ်ကိုယ်စာ ကျဉ်းကျပ်ခံရတဲ့ မဖူလုံနိုင်တဲ့ သံစဉ်တွေနဲ့ တယောတစ်လက်ပါ
အဝေးမျှော် ခံစားချက်တွေနဲ့ ကိုယ့်ကိုယ်ကိုယ် ဘာမှန်းမသိချင်တော့တဲ့ တယောတစ်လက်ပါ
စကားလုံးတွေနဲ့ အနှစ်သာရတွေ ပြောင်းပြန်အချိုးကျ လူလည်လုပ်ခြင်းကို သိသိကြီးခံနေရတဲ့
တယောတစ်လက်ပါ
ဝင်ဖို့ ပြင်ခဲ့တာ ကြာပြီဖြစ်တဲ့ နေလုံးကြီးကို ဖြတ်ကျော် ကွယ်ပျောက်သွားတဲ့
အိပ်တန်းပြန်ငှက်တစ်ကောင်လို တယောတစ်လက်ပါ

ဘိုးတံရေ
ငါဟာ
ရိုက်ချိုးဖို့သာကောင်းတော့တဲ့ တယောတစ်လက်ပါ။ ။

ကျော်ထူး